Picket 43 (2015)

မွေးရပ်မြေကိုတမ်းတနေတဲ့ နှစ်နိုင်ငံနယ်စပ်စောင့် စစ်သားနှစ်ယောက် မတည့်အတူနေရာကနေ ခင်မင် ရင်းနှီးသွားပြီး သူတိုရဲ့ မတူတဲ့ဘဝတွေ၊ မတူညီတဲ့ ခံစားချက်တွေ၊ တစ်နိုင်ငံနဲ့တစ်နိုင်ငံအပေါ်ထားတဲ့ သဘောထားတွေ၊ အနှစ်သာရအပြည့်နဲ့ ရင်ထဲမှာ တစ်ခုခုကျန်ခဲ့စေမယ့်ကားလေးဖြစ်ပါတယ်။ ဟာရီကတော့ အိန္ဒိယစစ်တပ်မှာ အမူထမ်းနေရပြီး လက်ရှိတာဝန်ကိုတော့ အစောင့်‌စစ်သားတိုင်းသေပြီး အပစ်အခတ်များတဲ့ နယ်စည်းရိုး အမှတ် 43 မှာ တစ်ယောက်တည်း သွားစောင့်ရမှာ ဖြစ်ပါတယ်။ သူ့မှာနောက်ဆံတင်းစရာ ချစ်သူနဲ့ အမေဖြစ်သူ ကျန်နေပါတယ်။ ဒါမယ့်လည်း တာဝန်အရဆိုတော့ စစ်ခွေးလေး ဘက်ကာဒီနဲ့ အတူ နယ်စပ် ခြံစည်းရိုး 4_3 စခန်းမှာ တကိုယ်တည်း ကင်းစောင့်ရပါတယ်။ တစ်ဖက်မှာ ပါကစ္စတန်စစ်သား မိုရှာရက်ဖ်ကလည်း မိန်းမနဲ့ သားသမီးတွေကိုထားခဲ့ပြီး တစ်ကိုယ်တည်း ကင်းစောင့်နေရပါတယ်။ ဒီလိုနဲ့ တောင်ကုန်းပေါ်မှာ စကားပြောစရာ သူတို၂ယောက်ပဲရှိတော့ မတည့်တဲ့ နှစ်နိုင်ငံက စစ်သားအချင်းချင်း တဖြည်းဖြည်းနဲ့ ခင်မင်လာကြပြီး အတွေးအမြင်ဖလှယ်၊ စကားတွေ ပြောရင်း တစ်ယောက် ခံစားချက်ကိုတစ်ယောက် နားလည်လာကြပါတယ်။ တနေ့ သူတို နှစ်ယောက် စောင့်နေတဲ့ စခန်းကို စစ်သွေးကြွတွေလာတိုက်ကြတဲ့ အခါမှာတော့ သူတိုတွေ ဘယ်လိုပူးပေါင်းခုခံကြမလဲ။ တစ်နိုင်ငံနဲ့တစ်နိုင်ငံရော အပြန်အလှန်ခွင့်လွှတ်ပြီး နားလည်ပေးနိုင်ကြမလားဆိုတာကို အဓိပ္ပာယ်ပေါင်း များစွာနဲ့ ဆက်လက်ကြည့်ရှုပေးကြပါဦး။