Next Sohee (2023)
Bae Doo Na ရဲ့ Comeback Movie လို ပြောလို ရတဲ့ "ထပ်တိုး ဆိုဟီး" ဆိုတဲ့ ရုပ်ရှင်ကားလေးပါ။ လူဟာ အိပ်မက်နဲ့ရှင်သန်ကြတယ်ဆိုပေမဲ့ အိပ်မက်တွေက တစ်ခါတလေတော့လည်း အိပ်မက်ဆန်လွန်းတယ်။ ဒီလိုနိုင်ငံမျိုးမှာတော့ ဖြစ်ချင်တာတွေနောက်လိုက်ဖို မဖြစ်ချင်တာတွေလုပ်ရတဲ့ အခြေအနေမျိုးကို အားလုံးကျော်ဖြတ်ခဲ့ဖူးကြမှာပဲ။ ဖြစ်ချင်တာတွေဟာ ဘယ်တော့မှဖြစ်မလာတော့တဲ့ဘဝတွေလည်း ရှိကောင်းရှိကြမှာပဲ။ ဒီရုပ်ရှင်ဟာ အဲဒီလိုဘဝမျိုးတွေအကြောင်းပဲ။ ဦးလှိင်ရဲ့ လူငယ်တယောက်ရဲ့သွေးတွေဆိုတဲ့ကဗျာထဲကလို " သူတိုက မှားသွားလည်းလှတယ် ...... ကမ္ဘာမြေကို မဖျက်ဆီးဘူး " ဆိုတဲ့ ကမ္ဘာမျိုးပေါ်မလာနိုင်သရွေ့တော့ အရင်ဆိုဟီးတွေရော နောက်ထပ်ဆိုဟီးတွေရော အဆက်ဆက်ပေါ်လာကြဦးမှာပဲ။ အစ်ကိုတစ်ယောက်ပြောဖူးတယ်။ "ကျွန်တော်တိုကမ္ဘာဟာ နောက်လူငယ်တွေအတွက်" တဲ့။ ဒီရုပ်ရှင်ကတော့ ခင်ဗျားတို ကျွန်တော်တို ကြုံခဲ့ရတဲ့ အဖြစ်မျိုးတွေ နောက်လူငယ်တွေ မကြုံစေဖို ကျွန်တော်တိုလည်း လူငယ်တွေဖြစ်ခဲ့ကြတာကို မမေ့ဖိုအတွက်ပေါ့။
