Mission Mangal [2019]

မိုဘိုင်းဖုန်းဆိုတာ ဘာမှန်းမသိသေးတဲ့အချိန်တစ်ခုကို ကျွန်တော်တို ပြန်သွားကြည့်ရအောင်..။ အဲ့လိုအချိန်တစ်ခုရဲ့ စကားဝိုင်းတစ်ခုမှာ “နောင်ကျရင် လူတွေက ရန်ကုန်နဲ့ မန်းလေး ဆက်သွယ်စကားပြောဖိုကို ငါးလက်မလောက်ပဲရှိတဲ့ ပစ္စည်းလေးရှိရုံနဲ့ စကားပြောလိုရတော့မှာ” လို ကျွန်တော် ပြောလိုက်ရင် ခင်ဗျားတိုအကုန်လုံး ဝိုင်းလှောင် ဝိုင်းဟားကြမှာပါ “သိပ္ပံအောင်မြင်မှုဆိုတာ တစ်ချိန်တုန်းကတော့ ဟာသတစ်ပုဒ်လိုပါပဲ” တဲ့။ ISRO ဆိုတဲ့ အိန္ဒိယအာကာသ သုတေသနအဖွဲက သိပ္ပံပညာရှင် ရာကိရှ်ဒါဝမ်မှ သူ့ကို ဝေဖန်လာတဲ့သူကို ပြန်ချေပလိုက်တဲ့စကားပါ…။ ဒါဆို သူက ဘယ်လိုဟာသတွေ ပြောလိုက်တာပါလိမ့်။ မားစ်ဂြိုဟ်ကိုလေ့လာဖို ဂြိုဟ်တုလွှတ်တင်မယ်လို ပြောလိုက်တာပါ။ အဲ့ဒီအချိန်တုန်းက မားစ်ကိုသွားဖို ကြိုးစားရာမှာ ကမ္ဘာ့ထိပ်သီးနိုင်ငံတွေဖြစ်တဲ့ ရုရှားနဲ့ အမေရိကန်လည်း ပါဝင်ပါတယ်။ သူတိုတွေ အောင်မြင်ခဲ့လားဆိုတော့ မအောင်မြင်ခဲ့ပါဘူး။ ရုရှားဟာ ရှစ်ကြိမ်တိုင်တိုင် ကျရှုးခဲ့ပြီး အမေရိကန်ဟာလည်း လေးကြိမ်တိုင်အောင် ကျရှုးထားတာပါ။ ဒါကို အိန္ဒိယသိပ္ပံပညာရှင် ရာကိက ဘာပြောလဲဆိုတော့ “ပထမဆုံးအကြိမ်မှာကို အောင်မြင်အောင် လုပ်ပြမယ်” တဲ့။ ဒီလိုစကားပြောရအောင်သူ့မှာ ဘယ်လိုယုံကြည်ချက်တွေ ဘယ်လိုအရည်အချင်းတွေရှိလိုများပါလိမ့်။ သူဘယ်လိုတွေဆက်လုပ်ပြမလဲဆိုတာကိုတော့ ဖြစ်ရပ်မှန် အိန္ဒိယသိပ္ပံကားလေးမှာပဲ ကြည့်ကြည့်လိုက်ကြပါ။ ဇာတ်ကားကောင်းမို လက်မလွှတ်စေချင်ပါကြောင်း….။ ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်။