Alice Boy from Wonderland [2015]

Romance ဆန်ဆန်ရိုက်ကူးထားပြီး ပုံပြင်ဆန်ဆန်ဇာတ်လမ်းသွား စိတ်ကူးဆန်းဆန်းနဲ့တင်ဆက်ထားတဲ့ Alice boy from wonderland ရုပ်ရှင်မှာ ဟေးဂျောင်းဆိုတဲ့ ကောင်မလေး သူ့ အသက် ၄ နှစ်ရဲ့ရှေ့ပိုင်းကို ဘာမှမမှတ်မိတော့ပါဘူး။ ဒီလိုအတိတ်မေ့ဝေဒနာခံစားနေရတဲ့သူမဟာ ညတိုင်းအိပ်မက်ဆိုးတွေမက်ရာကနေ သူမရလာတဲ့အမြင်တွေအရ နတ်ဆရာတစ်ဦးကိုအကူအညီတောင်းပြီး woderland အမည်ရတဲ့ ကျေးရွာကလေးကိုသွားရောက်ခဲ့ပါတယ်။ ထူးခြားတဲ့ဖြစ်ရပ်တွေ၊ စိတ်ကူးယဉ်ဆန်တဲ့ ဘဝတွေစောင့်ကြိုနေတဲ့ အဲဒီရွာကလေးဟာ လွန်ခဲ့တဲ့ ၂၄ နှစ်က သူ့မိဘတွေနေထိုင်ခဲ့တဲ့ရွာကလေးလည်းဖြစ်ပါတယ်။ အဲဒီမှာ သူဘယ်သူ့ကိုတွေ့မလဲ၊ သူ့ဘဝနောက်ကြောင်းမှာ မြှုပ်ကွယ်ထားတဲ့အရာတွေဟာ ဘာလဲဆိုတာကို စိတ်ဝင်စားဖွယ်တွေ့မြင်လာရမှာဖြစ်ပြီး လူကြိုက်များခဲ့တဲ့ ဇာတ်ကားကောင်းလေးဖြစ်တာကြောင့် ပရိသတ်များအတွက် တင်ဆက်ပေးလိုက်ပါတယ်။