Talvar (2015)
Box Office အမြတ်ငွေ သုံးဆလောက်ရထားပြီး ဝေဖန်သူတွေရဲ့ ချီးကျူးမှုတွေပိုင်ဆိုင်ထားတဲ့အပြင် ဆုတွေလည်း အများကြီးရရှိထားတဲ့ ဒီဇာတ်ကားလေးမှာတော့ 2008 ခုနှစ် နိုအင်ဒါနှစ်လောင်းပြိုင်လူသတ်မှုကို အခြေခံထားတဲ့ ဖြစ်ရပ်မှန်ဇာတ်လမ်းလေးပါ။ ရှရူသီဆိုတဲ့ ၁၄ နှစ်အရွယ်ကောင်မလေးတစ်ယောက် အသတ်ခံရတယ်ဆိုတဲ့သတင်းက ဆမီးဗီဟာတစ်ဝိုက်မှာ အတော်လေး ပျံ့နှံသွားပါတယ်။ ကောင်မလေးက ခပ်ငယ်ငယ် မိသားစုကောင်းကနေလာတဲ့ ကောင်မလေးဖြစ်ပြီး ဖြစ်ချင်တော့ သူတိုအိမ်က အလုပ်သမား ကမ်ပါလ်ကလည်း ပျောက်နေပါသတဲ့။ဒီတော့ ရဲတွေရော ရှရူသီရဲ့အဖေကပါ တထစ်ချတွက်လိုက်တော့တာပေါ့။ အိမ်မှာလူလေးယောက် တစ်ယောက်သေပြီး တစ်ယောက်ပျောက်နေတာ ပျောက်နေတဲ့ကမ်ပါလ်ဟာ တရားခံပဲဆိုပြီး အသည်းအသန်ရှာပေမဲ့ ကမ်ပါလ်ရဲ့အလောင်းပါ ထွက်ပေါ်လာတဲ့အခါ…တစ်ဖက်ကလည်း ကမ်ပါလ်နဲ့ရှရူသီဟာ စည်းကျော်တဲ့ပတ်သက်မှုတွေရှိနေတယ်ဆိုတဲ့ ထွက်ဆိုချက်ကလည်းရှိထားပြန်တော့….သမီးသေတဲ့အမှုမှာ အဖေနဲ့အမေက အဓိက သံသယရှိသူတွေအဖြစ် သတ်မှတ်ခံရချိန်မှာ အမြင်ကွဲလွဲမှုတွေဖြစ်ပြီး CDIဌာနမှူး အက်ရှ်ဝင်းကိုယ်တိုင် ဒီအမှုကို စုံစမ်းဖိုဖြစ်လာချိန်မှာတော့…