London Confidential (2020)

"London Confidential" သည် ကမ္ဘာတစ်ဝန်းတွင် ကိုဗစ်-၁၉ ဗိုင်းရပ်စ် (COVID-19 virus) ပျံ့နှံ့နေချိန်ကို နောက်ခံထားပြီး ရိုက်ကူးထားသည့် စပိုင်သည်းထိတ်ရင်ဖို ရုပ်ရှင်ဖြစ်သည်။ အိန္ဒိယဘက်က တရုတ်နိုင်ငံကို ဗိုင်းရပ်စ်ပြဿနာရဲ့ ရင်းမြစ်အဖြစ် စွပ်စွဲမှုတွေ ပြုလုပ်နေချိန်မှာ၊ အိန္ဒိယနဲ့ တရုတ်နယ်စပ်မှာ ဒီ့ထက်ဆိုးတဲ့ အသစ်ထပ်မံပေါ်ပေါက်လာတဲ့ ဗိုင်းရပ်စ်တစ်မျိုး ထပ်မံပျံ့နှံ့လာပါတယ်။ ဒီအခြေအနေတွေကြောင့် နှစ်နိုင်ငံစစ်ဖြစ်လုနီးပါး တင်းမာမှုတွေ မြင့်တက်လာပါတယ်။ ဇာတ်လမ်းထဲမှာတော့ လန်ဒန်မြို့ရှိ အိန္ဒိယ ထောက်လှမ်းရေးအဖွဲ့ (RAW) က အေးဂျင့်တွေကို ရက်စက်စွာ သတ်ဖြတ်မှုတွေ ဆက်တိုက်ဖြစ်ပေါ်လာပါတယ်။ အိန္ဒိယ RAW အရာရှိ "အူမာ ကူလ်ကာနီ" (Uma Kulkarni - Mouni Roy) နဲ့ ဗြိတိန်ဆိုင်ရာ အိန္ဒိယသံအမတ်ကြီး "နီရူပါးမား ဒါးစ်" (Nirupama Das - Kulraj Randhawa) တို့ဟာ မိမိတို့အဖွဲ့အစည်းအတွင်းက သစ္စာဖောက် (mole) ကို အချိန်မီဖော်ထုတ်နိုင်ဖို့ ကြိုးစားရပါတော့တယ်။ သတ်ဖြတ်ခံရတဲ့ အေးဂျင့်တွေဟာ တရုတ်ရဲ့ ဗိုင်းရပ်စ်သစ်ဖန်တီးမှု အထောက်အထားတွေကို ဖော်ထုတ်ဖို့ ကြိုးပမ်းနေသူတွေ ဖြစ်တာကြောင့် ဒီကိစ္စတွေဟာ တစ်ခုနဲ့တစ်ခု ဆက်စပ်နေပါတယ်။ သူတို့နှစ်ဦးဟာ အတွင်းလူသစ္စာဖောက်ကို ရှာဖွေရင်း အမျိုးမျိုးသော အန္တရာယ်တွေ၊ ပရိယာယ်တွေနဲ့ ရင်ဆိုင်ရမယ့် အကြောင်းကို သည်းထိတ်ရင်ဖို ရိုက်ကူးထားပါတယ်။